Embassy မှာတစ်နေ့ကုန်သွားတယ်.. passport အသစ် သွားလုပ်တာပါ။ ဟိုးအရင်တုန်းကလိုတော့ အကြာကြီး မစောင့်ရတော့ဘူးလေ။ တော်တော်မြန်သွားတယ်လို့ ဆိုရမယ်။ ဒီလိုလုပ်ပေးသင့်တာကြာနေပါပြီ။ မဟုတ်ရင် လူတိုင်းမသွားချင်တဲ့ နေရာဆိုရင် မြန်မာသံရုံးလို့ လူတိုင်းပြောတော့မယ်။ မြန်တယ်ဆိုတာက ကျောင်းသားဖြစ်တာကြောင့်လည်းပါတယ်။ အလုပ် လုပ်နေတယ်ဆိုရင်တော့ ထုံးစံအတိုင်းပေါ့ အခွန်ဆောင်ဖို့ တန်းစီ၊ နာမည်ခေါ်တာစောင့်၊ ပြီးရင် $ ပေးပေါ့။ ကျွန်တော်က ကျောင်းပဲတတ်နေတော့ ရှင်းပါတယ်။ ပွဲစားနဲ့မလုပ်ချင်လို့ ကိုယ့်ဟာက ိုသွားလုပ်မယ်ဆိုပြီး သွားလုပ်တာ။ အရမ်းမခတ်လို့တော်သေးတာပေါ့။ အရင်ဆုံးလုပ်ရမှာက ကျောင်းကနေ ကျောင်းသားဖြစ်ကြောင်း ထောက်ခံစာကို အရင်တောင်း ပြီးရင် ကျောင်းသားကဒ်၊ ကျောင်းသားပတ်စ်၊ Passport မိတ္တူ စတာတွေကို အရင်ပြင်ဆင်ထား။ သတိထားရမှာက ကျောင်းသားဖြစ်ကျောင်းထောက်ခံစာတွေက မူရင်းပေးရတယ်။ ပြီးတော့ ဒီကိုရောက်တဲ့နှစ်ကနေ စပြီး ဒီမှာဘာတွေလုပ်နေလည်းဆိုပြီး အားလုံးကို …