ဘာလို့များသောအားဖြင့် ကွန်ပျူတာ သမားတွေ ဓာတ်ပုံရိုက်တာ ဝါသနာတယ်။ ကျွန်တော် တွေ့ဖူးတဲ့ တော်တော် မျာများသော အိုင်တီသမားတွေ ဓာတ်ပုံရိုက်ကြတယ်။ အမြဲတမ်း မဟုတ်ရင်တောင် ပျော်သဘောနဲ့ ရိုက်တယ်။ ကျွန်တော်အပါအဝင်ပေါ့။ ကျွန်တော်လည်း ဘာ့ကြောင့်မှန်းမသိဘူး ဝါသနာပါတယ်။ အိုင်တီပိုင်းလိုက်လေ့လာလို့ ဝါသနာပါလာတာတော့မဟုတ်ပါဘူး။ အစကတည်းက ဓာတ်ပုံလိုက်ရိုက်ရတာ ဝါသနာပါတယ်။ အခုဆိုရင်တော့ ကျွန်တော် DSLR တစ်လုံးဝယ်ပြီးတာ ၁နှစ်ကျော်ကျော်ရှိသွားပြီ။ စစချင်းတုန်းကတော့ အမြဲရိုက်ဖြစ်တယ်။ အခုနောက်ပိုင်းတော့ အမြဲတော့ မသွားရိုက်နိုင်တော့ဘူး၊ အားရင်အားသလိုတော့ ထွက်ရိုက်ဖြစ်တယ်။ Singapore က သေးသေးလေးဆိုတော့ ရိုက်စရာ တော်တော်ရှားပါတယ်။ တော်တော်များများကတော့ ရိုက်ဖူးပြီးသားတွေဆိုတော့ ထက်သွားရိုက်ရမှာ ပျင်းတယ်။ ကျွန်တော်ကလည်း လူပုံဆို ကောင်းကောင်းမရိုက်တတ်တော့ (ရိုက်ရတာ မကြိုက်တော့) ခက်သား။ နေရာကောင်းကောင်းလေးတွေ တွေ့ရင် လူစုပြီး သွားရိုက်ဖြစ်ပါတယ်။ …