Add Me!Close Menu Navigation
Add Me!Open Categories Menu

Myanmar Font is build-in for iOS10

iOS 10 ကို မကြာခင်မှာ Apple က အများပြည်သူများ အားလုံးသုံးလို့ရအောင် ထုတ်ပေးတော့မှာဖြစ်ပါတယ်။ လောလောဆယ်တော့ Developer များအတွက် Beta ထုတ်ပေးထားပါတယ်။ Features တွေအများကြီး ထည့်ပေးထားပါတယ်၊ ကျွန်တော် အဓိက ပြောချင်တာကတော့ မြန်မာစာ ပါလာတာပါဘဲ။ ဘားမှမသွင်းထားဘဲ မြန်မာစာကို မြင်နိုင်ပါတယ်၊ မြန်မာလို Apps တွေမှာ ကောင်းကောင်းသုံးလို့ရပါတယ်။ Myanmar Sangam MN ဖောင့်ကို ထည့်ပေးထားတာပါ။ မြန်မာယူနီကုဒ် တွေကို အားလုံးမြင်နိုင်ပါတယ်။ အနည်းငယ် အမှားလေးတွေရှိပါတယ်။ အဲ့ဒါကလည်း ဖောင့်ထွင်တဲ့သူကို feedback ပေးပြီးထားပြီဖြစ်ပါတယ်။ နောက်ဆုံး version မှာတော့ အမှန်ပါလာနိုင်ပါတယ်။

သူတို့က မြန်မာဖောင့်တွေကို ထည့်ထားပေးတာ ကျွန်တော်တို့ မြန်မာတွေထွင်ထားတဲ့ ဖောင့်တွေမဟုတ်ပါဘူး၊ သူတို့ဖာသာ ထွင်ထားတာပါ။ ဒီနေရာမှာ တစ်ခုပြောချင်တာက standard ကိုလိုက်နာတဲ့ အတွက် ကျွန်တော်တို့ ကောင်းကောင်းမြင်နရတာပါ။ ခက်တာက ကျွန်တော်တို့ မြန်မာနိုင်ငံမှာက အွန်လိုင်းပေါ်မှာ ရှိတဲ့စာတွေက ဇော်ဂျီတွေဖြစ်နေတော့ မြန်မာတွေအတွက် စိတ်ညစ်စရာကြီး ဖြစ်နေတော့မှာကိုတော့ စိတ်မကောင်းပါဘူး။ အလားတူ Windows, OSX, Linux တွေမှာ ပါတာတွေအာလုံးဟာလည်း Unicode တွေပါဘဲ။ မြန်မာတွေရဲ့ အကျင့်တစ်ခုက ဘယ်သူတွေဘာတွေဖြစ်ဖြစ် ငါအဆင်ပြေရင် ပြီးတာဘဲဆိုပြီး၊ တစ်ကိုယ်ကောင်းဆန်တဲ့ စိတ်တွေကြောင့် တိုင်းရင်းသာစာတွေ ကွန်ပြူတာပေါမှာ မြင်ရဖို့ တော်တော် ခက်နေပါတယ်။ မြန်မာယူနီကုဒ်က အဲ့ပြဿနာတွေကို ဖြေရှင်းပေးနိုင်ပါတယ်။

အခုဆို အစိုးရအနေနဲ့လည်း တိုက်တွန်းမှုတွေရှိလာပါတော့မယ်၊ ကျွန်တော်တို့တွေကို သောက်မြင်ကပ်နေမယ့်အစား မြန်မာယူနီကုဒ်ကို သင့်စက်မှာ ရှိအောင် ကြိုးစားထားကြပါလို့ တိုက်တွန်းထားချင်ပါတယ်။

ဒီလင့်မှာ အကုန်ရှိပါတယ်။

မသိတာ မေးချင်ရင် ကျွန်တော်တို့ရဲ့ အဖွဲ့ Myanmar Unicode Area မှ ကြိုဆိုပါတယ်။

ကျွန်တော်တို့ ရန်ဖြစ်ဖို့ အချိန်မရှိတော့ပါဘူး။ မြန်မာစာ တိုးတတ်ဖို့ စတင်ကြိုးစားကြမယ်။ ဘားမှလာမငြင်းနေပါနဲ့တော့။ စဆရက တွေလည်း ရပ်ပါတော့။ မသိတာ မေးတဲ့ သူတွေကိုဘဲ ပြန်လည် ရှင်းပြပေးပါတော့မယ်။

မိတ်ဆွေတို့ကို အထူးတိုက်တွန်းချင်တာကတော့ မြန်မာယူနီကုဒ်ကို သင်တို့ စက်ထဲ အမြန်ဆုံးသွင်းပြီးတော့ စာရိုက်တာ စတင် လေ့ကျင့်ထားကြပါလို့

Posted By အိုင်တီကိုကို

I am just what I am! Code Ninga, Design Maker and Creative Worker. Gadgets Lover!

Mobile and Web Analytics ipv6 ready